کینیڈین میڈیا کے مطابق وزیر اعظم جسٹن ٹروڈو کے جلد استعفیٰ دینے کا امکان ہے۔ کینیڈین اخبار "دی گلوب اینڈ میل” نے رپورٹ کیا ہے کہ ٹروڈو بدھ کو کاکس میٹنگ سے پہلے اپنے استعفے کا اعلان کر سکتے ہیں، لیکن یہ واضح نہیں کہ وہ وزیر اعظم کے عہدے سے استعفیٰ دیں گے یا پارٹی لیڈر کی حیثیت سے۔
جسٹن ٹروڈو 9 سال سے لبرل پارٹی کے سربراہ ہیں، لیکن اب انہیں پارٹی کے اندر دباؤ کا سامنا ہے۔ دوسری جانب، اکتوبر کے آخر میں ہونے والے عام انتخابات سے قبل حالیہ سروے پولز میں لبرل پارٹی کی مقبولیت کم ہوتی دکھائی دے رہی ہے۔
اگرچہ یہ اطلاعات حتمی نہیں ہیں، تاہم ٹروڈو کے استعفیٰ کی افواہیں کینیڈین سیاست میں ہلچل کا باعث بن رہی ہیں۔